Archive for July, 2017

پرچہ پولیٹیکل سایئنس
(کل نمبر 100 – وقت 3 گھنٹے)
بہار – 2017
شعبہ قانون – جامعہ اتفاق، شاہراہ عدلیہ، اسلام آباد
نوٹ:
1۔ تمام سوالات حل کریں۔
2- سوالات کے نمبر مساوی ہیں 


سوال نمبر 1
(الف) اگر ایک حکمران 70 سال میں سے (آخری) تیس سال ایک ملک پر حکومت کرے اور پھر بیان دے کہ “پاکستان کے حالات کی وجہ ستر سالہ کرپشن ہے”۔ اس بیان کے تناظر میں، نا اہل حکمران کی تعریف اور خصوصیات واضح کریں۔
(ب) اگر مندرجہ بالا حکمران کا اپنا چینی، پولٹری اور صنعتی کاروبار ان تیس سالوں میں ترقی کی انتہا کو پہنچ گیا ہو تو کیا یہ نتیجہ اخذ کیا جا سکتا ہے کہ اس کے کاروبار کی ترقی کی وجہ بد عنوانی ہی ہے اور اسی وجہ سے اس نا اہل حکمران نے بد عنوانی کی بیخ کنی نہیں کی؟ بحث کیجیئے۔
سوال نمبر 2
(الف) ILLIBRAL DEMOCRACY کی تعریف اور انیس سو تہتر کے آیئن کی شق 8 تا 28 کو سامنے رکھتے ہوئے ثابت کیجئے کہ پاکستان ایک REGIME HYBRID ہے۔
(ب) پاکستان کو REGIME HYBRID
کے درجے پر پہنچانے والے ان جمہوری حکمرانوں پر جامع مگر مختصر تجزیہ پیش کیجئے جنہوں نے مہاراجہ رنجیت سنگھ کے بعد پنجاب پر سب سے زیادہ حکومت کی۔
سوال نمبر 3
(الف) اگر قوم کے ٹیکس پر پلنے والا ایک وزیر اپنے کرپٹ قائد کے دفاع کے لیئے صبح چار گھنٹے کمرہ عدالت میں موجود ہوتا ہے، پھر تین گھنٹے میڈیا ٹاک کرتا ہے اور شام کو چھے بجے سے بارہ بجے تک ٹی وی چینلز پر اسی مقصد کے لیئے موجود ہوتا ہے تو آیئن سٹایئن کے نظریہ اضافت کی روشنی میں یہ سمجھایئے کہ اسکے لیئے وقت کی رفتار سپریم کورٹ میں آہستہ ہو گی، میڈیا ٹاک کے دوران یا ٹی وی پر؟
(ب) اسحاق ڈار کے اس بیان کہ “روپے کی قدر میں کمی کی وجہ سیاسی صورتحال ہے” اور “THEORY OF PROBABILITY” کو سامنے رکھتے ہوئے اس کی کتنی LIKELIHOOD ہے کہ مندرجہ بالا وزیر کبھی بھی اپنی ناکامی کی ذمہ داری اپنے دفتر میں موجود نہ ہونے پر نہیں لے گا؟
سوال نمبر 4
(الف) اگر ایک صوبے پرتین دہایئاں حکومت کرنے والا حکمران اس حکومت سے جس نے ایک دوسرے پر 4 سال حکومت کی ہو سے مقابلہ کرے، اس صورت میں نااہلی کی ایک نئی تعریف وضع کیجئے۔
(ب) اگر ایک حکمران جس کے پاس سیاست کا تیس سال کا تجربہ ہو، اپنے منشور میں کیے گئے وعدوں کو یہ کہ کر کر پورا کرنے سے انکار کر دے کہ وہ تو “جوش خطابت” تھا تو اس صورت میں “نا تجربہ کاری” کی تعریف وضع کیجیے۔
سوال نمبر 5
(الف) اگر کسی کی ذاتی زندگی میں پارسائی جاننے کا کوئی متفقہ پیمانہ نہ ہو، اس صورت میں کیا 1973 کے آیئن کی شق 62، 63 غیر ضروری ہو جاتی ہیں؟ دلائل دیجیئے۔
(ب) کیا سوال نمبر3 والا وزیر کبھی یہ تمنا کر سکتا ہے کہ اس کے لیڈر کے بچوں کی جگہ وہ وزارت عظمیٰ کا امیدوار بن جائے۔ چوہدری اور میراثی والی کہانی کے تناظر میں وضاحت کریں۔